أيه يادمع ..
جرَ الدمع .. جمر ولاتمون..!
قصدي جنون ..
قصدي حياة الجرح لامات الجسد وارواح فينا يسهرون ..!
درويش راح ..
ويضحكون ..
ولا عليهم من سماوات المطر والزيزفون ..!
مايعرفون انه بنى أوطان ..
من روح ووطن صبر وأمل مايعرفون ..!
مايعرفون انه بكى عذرية الأوطان ..
في زحمة ذئاب يماطلون ..!
مايعرفون انه دفع كل الثمن مايعلمون ..!
مايعرفون أنه توطن غربة فصول السنة قبل الفصول وقبل ماتبكي عيون ..!
مايعرفون أنه يقطع من عروقه خبز لأفواه الفقر قبل ماهم يولدون ..!
مايعرفون أنه سكن فوضاه .. قبل يرتب اشباه العقول ..
يعيد للدنيا تفاصيل الحقيقة .. قبل ماهم يسرقون ..!
آآآه يادرويش ..
بكيتك حي في كل الدروب المظلمة لو يعرفون ..!
بكيتك ميت اللحظة ولكنك تعيش بخاطر الأيام غصب ولو يستنكرون ..!
آآه يادرويش يا روح الوفا منك تعلمنا الوفا ..
منَك بكينا كل ما يسكن فضانا من تفاهات السنون ..!
منك ومن روح الحروف اللي تعيش عروقنا نبكي ولو هم يسكتون ..!
لا يحزنون ..!
ماهومهم الحزن لأمثالك .. ولاهم يشعرون ..!
الغي مستوطن عروق ولا يفوق بداخل الإنسان إنسان بحياته نبض جيش وطلقة آمال
وشجون ..!
ماهمهم مثلك .. ولا مثلي وهم في داخل الدولار يتمادون في صوت المبادي يكسرون ..!
ماهمهم .. في دمهم بعض انشطار وبعض غي .. وريح خنزير وشقا مايفهمون ..!
أووواه يادرويش ..
كم فينا حزن .. مدري مزن .. لكن أكيد اللي بقي فينا كثير من الطعون ..!
باقي جراح الأمس تسألني عليك .. وباقي بصدري ثلة الأوطان تتمايل سنابلها
وجع .. باقي جراحك هي جراح أحياء في عرف المسا مستضعفون ..!
باقي أمل .. باقي خيانات وجهل ..
باقي خناجر من عبارات الغباء الباهت الألوان بثياب السعادة والمتون ..!
باقي ألم .. باقي قلم يبكيك في زحمة غيابك .. لو دروا عن قيمتك ياجوهر الأوطان
ياسيف المهلهل في رقاب الجهل .. ما كانوا بحسك ينطقون ..!
انت سور الحرف واسوار المداين والفنون ..!
أنت موال الصباح .. وفتنة اللاسلم في وقت السلاااام المبهم الغافي على كن فـ يكون ..!
أنت وحدك .. سر من أسرار هذا الكون يانور السنين المظلمة ..
ياشمعة الليل البهيم السادر المطلي بشوك الغدر في حفلة مجون ..!
أنت عنوان الفرح والحلم لارفرف على موت الستاير والجناح بلا ظنون ..!
من تكون ..!
أنت درويش البسيط .. الرمز في ثقل الوطن .. في غصة الطفلة أشوفك في ابتسامات
الصباح وفي غصون الياسمين الأثمن بروحي بروحك
مانسيتك لو نساني الموت لو مهما يكون لو مهما يكون لو مهما يكون ..!
مايفهمون مايفهمون مايفهمون ..!
ليست هناك تعليقات:
إرسال تعليق