يوم واحد يغنونك .. وصار احتفال
وأنت فيني مخاويني .. بطول السنه
يعني العدل هذا اليوم صار احتمال
وباقي أيام عمرك مات بك سوسنه
يعني اللي وفى لك يوم عاش اكتمال
والوفي طول عمره مايعيش أحسنه
قصدي آقول خلو هالوطن عالجدال
يكفي انه سكت عنكم بدون ألسنه ...!
وطن ..!
ويش بآقول غير أنك لروحي وطن ..!
وطن ..!
زحمة مواني .. والبلا مابه سُفن ..!
وطن ..!
أبسهرك ليلة زفافك ..
واسقي انفاسك شجن ..!
وطن ..!
أدري ان الحال حال ..
وادري ان ابيض عروقك .. ماسقاك إلا سُنن ..!
وطن ..!
كم بتسقي من عيونك خبل ؟
كم تغزل من أجفان الشقا .. عطر وكفن ..!
وطن ..!
أدري انك ماتجاملني ..
ولاتبعث من الأرواح روح ..
تجامل المسكون بعيونك .. وهو عينه سكن ..!
وطن ..!
كم أمل مربوط باضلاعك .. وكم باقي محن ..!
وطن ..!
مزهرية حب راودها المطر .. حزن وغبن ..!
وطن ..!
أدري أنك بي دريت ..
وادري ان الحلم ماولع عبث ..
بس من ولع لمن ..!
وطن ..!
عطني عيوني وروح ..
ما أبي منك جروح ..
يكفي أنك في تفاصيلي بنيت اوطان واحضان ولحن ..!
وطن ..!
بسمتك عطري .. وكسرة خاطرك صوت الفتن ..!
وطن ..!
ما أظن أني بكيتك جهر ..
دامك نهر ..
لكني عطيتك كل مابيدي أظن ..!
وطن ..!
هاك كل اللي تبي ..!
بس يرحم اللي حاضنك .. عطني بعض مني .. وخذ صوتي وغن ..!
وطن ..!
ويش بآقول ..؟؟
غير أنك لروحي وطن ..!
ليست هناك تعليقات:
إرسال تعليق