هييه يا أغلا وطن وينك ؟ تعااال
كل ماشديت لك عزمي : غفيت
عشت انا وياك / نبض الإحتمال
قلت بلقى الحلم .. لكن مالقيت ..!
ضعت أدورني .. ولاحصلت " بال "
ماكتبت " مضيع الحلم " .. استحيت
قصتي في عشرتك / مثل الهبال
أكتوي بردك ونارك .. واشتقيت
عشقي المجنون .. ماحوله ظلال
كل شمس / وكل ريح / تقول : ليت ..
.. ليتنا نمشي / على وزن الليال
.. وليتنا نوقف / بغرفة كل بيت
الأمل ..! غصة / وحلم / وجنح حال
والدروب طوال .. لو مهما عنيت
لو سقيتك دمي الصافي : حلااال
لو وشمت الجرح في وجهي : رضيت
أنت وحدك ... من يعيد الأعتدال
وانت من يرقا السنود / اليا رقيت
افهم ..! اني لك وطن / وانت الخصال
كيف تؤمن بي ..؟؟ وتنسى لابكيت ..!!
ماطلبت أكثر من / جموح الخيال
ولا هدمت اللي .. بحبي له بنيت
كل حلمي / نهدي أنصاف الرجال :
" قدرهم " / لاباعوا اللي له شريت
ونشتري باحلامنا : عطر الليال
ونبني اللي مابنوه / بكل صيت
يا أبو متعب ..! تعبت من الثقال
كل منهم قال : والله مادريت
ولابدينا نحسب / ارباع الريال
قال سيدهم : بعمري ماخذيت
مادروا أن الوطن " معنى العيال "
وانه الباقي لنا ... مهما شكيت
الوطن ..! أعظم من كنوز الظلال
الوطن ..! " آية غلا " فيها قريت :
" ان حلمي .. لو تمر به الجبال
مايموت الحلم .. وآنا ما انتهيت "
حلمي ألقى هالوطن / يمطر وصال
واسقي ترابه / لو أني ما ارتويت
ايه يابو متعب .. أحزاني جدال
وانت ابوي .. اللي على حبه ربيت
خذ من عروقي غلاك / ولاتزال
جفن لعيون الوطن / دامك بديت
الوطن / معنى الشموخ / بكل جال
وكل جال / شموخه / أبعد مارأيت
ياوطن ..! يكفي تعب / هيا تعااال
ماغفى نبضي / ولا عمري غفيت ..!
ليست هناك تعليقات:
إرسال تعليق