سلمى

فنجال جرح  وفتنة الناي سكر  

 وسلمى تغرد : كل مافيك فيه

قريت ختم انفاسها ..قبل تكبر

 ومديت كـف الشوق أسلم عليه

لقيت قلبي بين : رحلة وخنجر

 كل الدروب غروب والشمس هيه

مالت بصدري كنها صبح يسهر

 له جــاذبيه ... تلغي الجـــاذبيه

قالت قريتك  قلت انا ودي اكثر

 قالت شربتك .. قلت هالغي ليه

سؤال يكبر دوم .. ويموت أصغر

  ليه الأمل مسكون .. بارواح حيه ..؟

والله ياسلمى ..

والليل والظلما ..

ماشفت مثلك نور ..

يسهر عليه النور ..

يهديه روح الما ..!

سلمى أيا سلّ مااا ..

جيتك وكلي مااا ..

في جالك الأسمى ..

كل الحنين اعمى ..

يمطر عيونه ليل  .. 

وارض النهار تموت ..

وريق الضمى يضمى ..!

 

يارب جبريل عطني بعضي وبعضي

 خله على شانها .. يبعد ويدنيني 

السدرة اللي .. تظل اكتافها أرضي

 سقيتها من عروقي قبل تحويني

أغصانها لول ... يتهادى على نبضي

 سكرانه الريح منها  ..والأثر فيني

الغير سنّه وهي طول الدهر فرضي

من غيرها زوّر التاريخ في عيني 

تدري ولا تدري

هي فتنة الميلاد 

وكل السحاب جياد

وكل النجوم اضداد

وانا على خيلي

 

آعيد تأويلي 

أسأل واعيد أسأل

ليه السما تخجل

ليه العيون تهون

وخدودها تذبل ..!

تدري ولا تدري

أن الوله مجنون

يلعن وهو ملعون

وكل المطر ماكان

إلا بدون الوان 

يسأل ..

...... يثور 

.......... يصيح 

ليه المدى للهمّ

.......... وآنا معك للريح ..!

الريح .. والحلم .. والتلوين

 والغي وحضور اغانينا

والشوق واحضاننا الأثنين

 والشمع وجدار وادينا

تسأل ولاملّت التلحين

 هو ليه ضاعت أمانينا

ليه السما للغريب ايدين

 ليه الغلا ذاب بايدينا

والأسئلة غربة الصدرين

 والغربة انصاف تحوينا

وارجع مع التاريخ ..

وحدي .. 

احضن جفون الفصول

وصيف ذكراها يدور ..

والضيا مافيه نور ..

وامتحني .. 

والنتيجة ..

لا وطن ينلمّ في عيني .. 

وعيني بالغياب .. 

تلمّ كل الحاضرين 

ولاحضور ..!

لا أمل لاطيف حلم .. ولا بدور 

كلهم غيّاب ..

حتى الدمع يهجر غربتي فيني ..

وبغيابه يجور .. !

آآه يا طيش البحور ..!

كيف أصابعنا تذوب بحبرها ..

ونشكل ضلوع الألم ..

حرف .. وأماني جايرة .. حزن وكسور  ..!

آآآه ياسلمى من اللي جاي ..

من ظلم الوّله ..

ظلم المداين ..

لاسكن شوق الزهور ..!

من عنّا التاريخ ..

والتاريخ ميلاده .. حضورك

والغياب أنتي ..

وأنا عكس المسار آدور .. وأسأل من يزور ..!