الدنيا تعب

الغصن غافي / وطير البرد " حال " ...

والفصول حمول / والدنيا .. تعب ..!

كل ما هبت رياح الوجد سال ..

كل مابي / والبقا : زحمة عتب

 ... أستخير الما / واقول الغيم فال

 .. واثر كل الغيم : تلويحة صخب

ماهقيت من المطر ذل السؤال ..

ولا رجيت من الزمن مال وذهب

 

 .. كل آمالي : هدوء / وصبح بال ..

وطارف أحلامي على ذاك المهب

 

أنتظاري يلبس ثياب الوصال ..

ولاحصل له / لا جماد ولا رجب ..

واقف لحاله على شهر الجدال ..

والسنين تمرّ .. واحواله عجب

 

الأمل يشرب من عروقي دلال ..

والعطش راوي حناياي بسبب ..

كل غيمه تسكن حدود الخيال ..

ما تصب الما / على راس التعب ..!.