صب عينك في عيوني وانس دنياك وتعال
واشرب احساس المفارق واذكر الله لابديت
دلة الأفراح ملت من فناجيل المحال
وفي مراجيح الشقا من زمان اول رقيت
العشق دمعة مسافر والمناديل الوصال
والسنين عيون عاشق لايكون انك غفيت
كم لغة للعمر عندك ؟؟ كم مواسم للجمال ؟؟
كم مسا يخنق مسانا؟؟ والبراءة حرف ليت
ليت هي حلمٍ تثنى .... بين ترتيب الخيال
وليت ياليتك تحنّ وليت ياليتك عطيت
راحت الأيام هبلى ~~ ضايعة بين الجبال
كل ضو بعينها ينطفي ~~ دامك نسيت
أنت شمسي وانت ظلي وانت تخريف الدلال
وانت موال الحقيقة لو على عيني مشيت
شد نبضي في عروقك كلها~~ خبصة حبال
نشوة الأحلام بيدك ~~ كم على شانك بنيت ؟؟
رح على كيفك وسيّر ~~ بس لاتنسى تعاااال
أشرب احساس المحبة واذكر الله لابديت ..!
ليست هناك تعليقات:
إرسال تعليق