على أيدك

على أيدك .. 

رسمت الما .. وتفاحك وتنهيدك 

.. وعشت العمر .. مثل العمر .. 

راحت بي مواعيدك ..!

على أيدك .. 

تمولني عناقيدك .. 

واجي وآآروح .. 

معاااك الروح .. 

واتفيا سنا عيدك ..!

على أيدك .. 

نقشت الصبر .. والحنّا .. 

ورحنا مالنا منّا .. 

وضعنا في شموخ القيد .. 

حسرة عيد ..

 وقيدي يبكي لقيدك ..!

على أيدك .. 

تعال ولا تخاف الحلم .. 

تعال ولا يموت التوت .. 

في فوضاك .. ويزيدك ..!

على أيدك .. 

تعال ولوّن الألوان .. 

تعال وبعثر الدنيا .. 

تعااااال أحتاج لك أكثر .. 

تعااااااااال وأيدي بأيدك ..!

على أيدك .. !! 

خذ المعنى .. خذ أغلا مانزف قلبي .. 

وعطني من عيون الليل .. 

همسه من مواعيدك ..!