ترويض ليله

تفاح / همسة غيم / ترويض ليله ..

هي كل مايمكن نسميه ضوضاء

أما الغريب اللي مضيّع دليله ..

 الحلم فـ ايدينه عصا تقطر الماء ..! 

بعض الليالي دمعتك مستحيله .. 

وفي بعضها دمعك على خد الأنواء

لاتستعير من الفرح مايخيله .. 

عمر الفرح مانستعيره بالأشلاء 

روض غروب الحال وجنون خيله .. 

وخلّ الأمل يرسم على البال ماشاء

أنت الوحيد اللي تهامل حصيله ..

 وانت الغريب اللي تسامى بالأجواء ..

عذّب مراسيل الرضا بالفتيله ..

 واشعل حنينك لاتباطيت من جاء

الغربة اللي تعترف بك وسيله ..

 أهون من الغربة على صدر رمضاء ..!