يعني كذا صرنا مثل بنغلاديش
لاواحسافة نفطنا واحتياطه
نخسر (قروض) ولكن (أرواحنا) ليش ؟؟
إلى متى واحنا نساوي فراطه ..؟؟؟؟
واحد يدور له على لقمة العيش
وواحد يفكر كيف يسرق بلاطه
صرنا حيارى بين طيب وبشويش
والغير ماتكتب حروفه نقاطه
كلن على همه سرى سرية الجيش
والجرح محدن سايسه بالخياطه
نزف المبادي مالقى أي تفتيش
ونزف الفكر يحمل علينا سياطه
جده بكت والدمع ينشف مع الخيش
إلى متى والخيش رمز انحطاطه
طارت طيور الحزن وتناثر الريش
ولا باقي إلا كاسبين الوساطه
أيا وطن بنعيش بك دون تهميش
هذي حكايتنا معك في بساطه ..!
ليست هناك تعليقات:
إرسال تعليق