لاسلهم الود بين اطراف جنحانه
يطيب طعم الملوحة والغرق فالي
البحر والبر ميداني وميدانه
بانهار طيشه ألف الكون بلحالي
يغريني الصبح لاحليت باوطانه
وطعم المسا غير لاغامرت بحبالي
الله واكبر على تفصيل جدرانه
كل التفاصيل سكر والفضا حالي
ولامن نظرته يزيد الله في شانه
رايع وطايع وانا في حضرته والي
اذا مشى زاد نبضي هاج رمانه
يلعب معي سامريه بعثر احوالي
المعركه في عيونه حيل طربانه
الجيش نظرات فيها ضاع منزالي
ياقوة السحر في خدين نشوانه
شمسين عالأرض ولا خابت اقوالي
الغصن غاوي وروحه تنفض اركانه
حمى انشطاره تعيد الأول التالي
لاطعم لالون كيف امثل اوزانه
لانا رويته و لا هو بيح ادلالي
مصيبتي كل روحي تقبل جنانه
جنون مثله يجنن صار يحلا لي
وكل المصايب بحضنه يسعد احضانه
هذا البحر جدّ ياجعل الغرق فالي
ليست هناك تعليقات:
إرسال تعليق