ألتهي بك

ألتهي بك ..

وأنسى أني في يدينك ..

طفل بردان وشقاوي ..

يهزمه برد الحنين ..

ويهتدي قلبه حنينك ..!

ألتهي بك ..

واذكر أني من عيوني ..

صغت مايمكن يكون من الأمان..

وضعت في ترتيب بعضي..

وضاعت أرضي.. ولا لقيت إلا عيونك ..

 تهدي النبض المكان

ألتهي بك..

وكل مافيني أماني..

سافرت بيني وبيني.. ترتويني..

وسط رحلة من أمل فيها غريب ودرب..

والليل الجنون بكامل الريح العنيده يحتويني

ألتهي بك..

وأشعل أيامي رضا ..

حزن ومضى..

واسأل متى : أقدر على ظلم المسا..

واهديه مـ الفرحه نصيب..

هذاك ماغيره أحد

هذاك هو أغلى حبيب