غصون الحال يادنيا خريف ولونها أصفر
تعبت آمرر الشمعه بليل الصبر / والقاني
تعبت أرتب فصولي / ولكن الخريف اثمر
ألم وافي على غصنه كتبت الحزن عنواني
تعبت آدوَر دموعي ولا القى داخل الدفتر
سوى جرحٍ على بابه بديت آشكل الواني
تعبت آسمي الغربة .. سحابٍ بالشعر أمطر
واثاري هالمطر خنجر يسيل بكل ودياني
تعبت آسايس الكلمة ( تعب ) وآمل واتكسر
تعبت الصمت واوتاره تعيش بدمعة لساني
تعبت المشي بعروق الأماني والزمان أغبر
تعبت اطعن سرابي بالخُطى والدرب يحداني
أيا سيَد غرامي / ياوطن مجنون / فيك أكبر
أيا نبض الشعور اللي يسمونك وطن ثاني
حشا لله أنت أجمل وطن .. وتهمني أكثر
أنت الماااء في حلق الجفاف / وكل أوطاني
أنت حكاية الصدر الحنون المثمر الأجدر
أنت رواية السحر الحلال وحرف وجداني
وش آسميك ياروح المداين والشعر أقصر
وش آسميك .. ياتفاحي المخمور باحضاني
تعال اسكن تفاصيل الحنين الدافي الأخطر
تعال / بثورة الدنيا .. ابسمع صوت شرياني
تعال اسق المدى همسة وبلل شالك الأخضر
تعال أنثر عبير الوجد .. دام ثيابي احزاني
تعال وعلَم العالم .. وش المحصول لا أزهر
وأجن اللي تبي مني .. أنا لك والعمر فاني
أنا كلي مساحة ليل .. فيها آقوم واتعثر
أنا حزن الفرح .. دام الفرح أعرج بديواني
ايا روح الحنين اللي تمادى والورق أصفر
متى بآطفي شموع المسا / والقاك والقاني ..!
ليست هناك تعليقات:
إرسال تعليق