مارويتك

مارويتك ..

ولا غسلت البال من وصلك

ولاحتى سقيتك ..!

مارويتك ..

 وأنت في أقصى الديار ..

تعيش في صدري .. وهو حضنك وبيتك

 ..!

مارويتك ..

والليالي غربة الحاضر .. خناجر ..

مالت بساعة حنيني وابتدت ريح الجنون ..

وكل ما أنسى بديتك ..!

مارويتك ..

وانت عنوان السما ..

حزن وعما ..

والما يعاتبني عليك ويرسم آماله بـ ليتك ..!

مارويتك ..

كيف أبلقى لي طريق أمشي عليه

 وكل خطواتي ظما تسأل على شمسك ..

وانا أردد : فديتك ..!!

مارويتك..

وأنت حمّى من حنين ..

بهالسنين ..اللي تشاغبني عليك

ولا عطت تعطي قليل

وتبتسم للحزن والغايب وطن..

عيّا يساومني عليك ولاعطيت ولاعطيتك..!

مارويتك ..

 كيف أبروى منك / مني ..

وانت بي راضي ..

وانا غصبن على عين الزمن والله رضيتك ..!!