سكر زيادة

في المسافة بين نحر العين ..

وخطوط الحسافه ..

كانت الدمعه تروب ..

ودها ترقا تذوب ..

بس عميل الحلم هز أغصانها 

واتكا للجرح .. حيل

وصادف الليل الهروب ..!!

كان غصة .. وقت 

كان أعذب حكايه ,,

كان يكتب حلم بالما ..

والأمل بيدين ظلما ..

كل ما شبت شموع

وصادف الليل العميل ..

هز ركن ..

وطاح ركن ..

وطار ركن .. 

ولابقى غيره بذاك الركن ..

يتلذذ .. بصوت الما 

يغني .. آآآآآه من يحلم بحضن  ..!!

طعنتين أوجع وربي ..!!

مالها عندي مطار ..

والمطارات القديمه ..

صارت بروحي يتيمه ..

 كلها قصة حصار ..!!

من يجاوبني .. وانا اللي ..

ما بنيت إلا أمل ..

ولا هديت إلا ورق  ..

ولا كتبت إلا أرق ..

من يجاوبني .. وأنا اللي ..

ضاع نصي .. !!

وهو يحاول يطفي الباقي من النص المجاور ..

ذاك ذاك اللي احترق ..!!

يا دفا حرب الإبادة ..

نار ..نار ..

والمسا كله أغاني .. 

ولعثمة حرف وجدار ..!!

آه ياحرب الإبادة ..

من يروض حلم روحه ..

وسط دوامة .. جروحه ..

هو أنا .. والليل عادة .. 

يكتب أحلامي إبادة ..

وسط فنجال الأماني ..  

لا سئلني الليل عنها .. 

صحت فيه وقلت له ..

 روحها سكر زيادة ..!!a