ياسهيل الجنوبي .. بلغ أهل الشمال
التحية من اعماقي وانا ابن الجنوب
جيت من راس شمرخ كل راسي جدال
بالعروق القلق رحال ..وآنا دروب
أهتديت المواجع .. واستقيت الخيال
السنابل أصابع .. والتساؤل هبوب
اجمع اللول بكفوفي وحبر الليال
وانظم نجوم وقتي والضيا مايروب
كني الفارس اللي عاش لجل النبال
كل صدره نبال تصيح يالله نتوب
قلت يابنت قلبي جاوبي عالسؤال
ليه ذاك الصغيَر .. يبتهل بالذنوب
ليه يذكر منازل عامرة بالرجال
دامنا في ظلال السيف مابه شبوب
وين زهران عنه ووين ذيك الجبال
راكبين الصعاب وعاشقين الخطوب
الكرم أبن زهران العناصي وقال
أيه يابوي دونك ما تلبَست ثوب
والشجاعة كما بيرٍ روتهم زلال
تمشي بدربهم في حلَ ولا حروب
وين عنهم صغير القدر رهف الحبال
وين غامد مع قحطان لبس الجنوب
من بني مالك أسري لاعسير الجمال
من رجال الحجر لاوادعه طوب طوب
لاذكرت أهل فيفا قلت طيب الخلال
وفكر جيزان ماياصله غير الذورب
ولا ذكرت أهل يام يفز نبت الخصال
ويتمايل على شهران صبحٍ طروب
كن صيعر مع بلقرن .. غيمة دلال
تسقي الروح مااء ولا تمل الصبوب
الجنوبي مع التاريخ رمز الوصال
الجنوبي وصاله عاش وقت الكروب
ياسؤال المدينة والقرى والتلال
الإجابات ماملت جنوح الغروب
لامتى والعقول يزفها الإختلال
لامتى والقلوب تعيش دون القلوب
لامتى والجنوب يذوب ماءه ضلال
والجليد بجنون البوصله ما يذوب
هيه وآنا بصدري للشمال ارتحال
أعشقه وافرح برجال علمه وجوب
ياشمال المحبة والرجال الكمال
لانقص فيكم الرجال غيره ينوب
كل ديره بها من طيبها جال جال
وكلٍ ديره لها منها كمال وعيوب
لامتى يبن آدم عطرك الإكتمال
ولالمحت الحقايق تلتوي بالهروب
الفعل يكتب الرجال في أي حال
والفراسة بلا تاريخ دمعة كذوب
ماخبرت الكرام تذل عند الريال
ولا خبرت الحرار بكف طفلٍ لغوب
اشرب السيل كله ياوضيع المنال
الكرم من اجابه والسؤال اللعوب
ياسهيل الجنوبي بلغ أهل الشمال
الجنوبي شمالي والشمال الجنوب ..!
ليست هناك تعليقات:
إرسال تعليق