مايشبهك غيرك

أحب فيك الحب والصبح والليل .. 

وأحب فيك مشاكسة أمنياتك ..!!

أحب فيك عيون ماتعرف تخيل ..

 إلا الفرح لاعذربوه بعباتك ..!!

فيك الفروسية ولو ضاعت الخيل ..

 في هالزمن ماباقي إلا صفاتك ..!!

فيك اختيال الما على وادي السيل .. 

فيك احتراف الغيم يسكن لهاتك ..!!

فيك الجنون اللي بعقل التفاصيل ~~

 يمشي بشرياني ويمسك عصاتك ..!!

انتي حكاية ماقرتها الفناجيل ..

 أنتي وطن ثاير بثورة شفاتك ..!!

حبيت فيك اللطف والعطف والميل ~~ 

حبيت فيك الحب وامطر حياتك ..!!

انتي لحالك فتنة العصر والجيل ..

 أنتي تواريخ النسا في حلاتك ..!!

سكرك مايحتاج عالبال تفعيل .. 

كلك على بعضك تقاطر جهاتك ..!

ماتحملين بمشيتك اي تعليل .. 

ميل استقاماتك غفر سيئاتك ..!!

حبك زرعني في عيون البهاذيل .. 

وامسيت أطاول بالبنا مغرياتك ..!

قدرك كبير وكل ماجاه تحويل ~~ 

يرقا مع الغيمات حبي لذاتك ..!!

مايشبه غيرك ولو قيل ماقيل ..

 أنتي أنا واللي بقى أمنياتك ..!!