اشتقت لك

اشتقت لك كثر المدن تستر الناس ..

 وكثر العرا ماشال من رمل الأيام ....!!

اشتقت لك كثر المدى يبني أقواس ..

واشتقت لك حرٍّ على الوكر ماحام ..!

اشتقت لك دمعة وغصة وأنفاس ..

تصنع من عروقي تعاويذ واقسام ..!!

اشتقت لك والكنز ماهو من ألماس ..

الكنز نبضك لارقا بين الأحلام ..!

اشتقت لك والليل مافيه جلاس ..

ماغير أنا والليل والحلم ماقام ..!!

اشتقت لك صرخة من عروق يباس ..

جفت على مفرق غلاها من العام ..!

اشتقت لك وانت المدينة مع الناس ..

والكون كله غاب في رمل الأيام ..!